முன்னாள் பிரதமர் வாஜ்பாயின் இரண்டாம் ஆண்டு நினைவு தினம்... குடியரசுத் தலைவர், பிரதமர் அஞ்சலி

Aug 16, 2020 07:54:41 AM 0 3329

முன்னாள் பிரதமர் வாஜ்பாயின் இரண்டாம் ஆண்டு நினைவு தினத்தை முன்னிட்டு டெல்லியில் உள்ள நினைவிடத்தில் குடியரசுத் தலைவர் ராம்நாத் கோவிந்த், குடியரசுத் துணைத் தலைவர் வெங்கய்யா நாயுடு, பிரதமர் மோடி உள்ளிட்டோர் அஞ்சலி செலுத்தினர்.

மத்திய அமைச்சர் ராஜ்நாத்சிங் உள்ளிட்ட பலரும் வாஜ்பாய் நினைவிடத்தில் மலர்தூவி மரியாதை செலுத்தினர். நாட்டின் வளர்ச்சிக்கு வாஜ்பாய் அளித்த பங்களிப்பை இந்தியா என்றும் நினைவில் கொள்ளும் என்று பிரதமர் மோடி தமது டிவிட்டர் பதிவில் தெரிவித்துள்ளார்.

முன்னாள் பிரதமர் வாஜ்பாயியின் 2ம் ஆண்டு நினைவு தினத்தையொட்டி அவரது பழைய புகைப்படங்கள், வீடியோக்கள் அடங்கிய தொகுப்பை பிரதமர் மோடி வெளியிட்டுள்ளார். ட்விட்டர் பக்க பதிவில் அவர், நினைவு நாளில் வாஜ்பாயிக்கு மரியாதை செலுத்துவதாகவும், நாட்டின் வளர்ச்சிக்கு ஆற்றிய பணிக்காகவும், இணையில்லா சேவைக்காகவும் இந்தியா எப்போதும் அவரை நினைவு கூறும் என்றும் கூறியுள்ளார்.

இதேபோல் வாஜ்பாயின் பழைய படங்கள், வீடியோ காட்சிகளை கொண்ட சுமார் 2 நிமிட தொகுப்பையும் மோடி பகிர்ந்துள்ளார். பிரதமர் மோடியின் பின்னணி குரலில் ஒளிபரப்பாகும் அந்த வீடியோவின் கடைசி பகுதியில், வாஜ்பாயுடன் முன்பு மோடி இளம்பிராயத்தில் சேர்ந்து எடுத்த புகைப்படங்களும் உள்ளன.

Tributes to beloved Atal Ji on his Punya Tithi. India will always remember his outstanding service and efforts towards our nation’s progress. pic.twitter.com/ZF0H3vEPVd
— Narendra Modi (@narendramodi) August 16, 2020