உலக பணக்காரர்கள் பட்டியலில் முகேஷ் அம்பானி 4வது இடத்திற்கு முன்னேற்றம்

ரிலையன்ஸ் குழுமத்தின் தலைவர் முகேஷ் அம்பானி சர்வதேச பணக்காரர்களின் பட்டியலில் 4வது இடத்திற்கு முன்னேறியுள்ளார்.

கடந்த சில மாதங்களாக ஜியோ நிறுவனத்தில் முதலீடுகள் தொடர்ந்து குவிந்த நிலையில், முகேஷ் அம்பானியின் நிகர சொத்து மதிப்பு சுமார் 6 லட்சத்து 47 ஆயிரம் கோடி எனவும், அதில் நடப்பாண்டில் மட்டும் 1 லட்சத்து 65 ஆயிரம் கோடி உயர்ந்துள்ளதாகவும் புளூம்பெர்க் நிறுவனம் செய்தி வெளியிட்டுள்ளது.

நான்காவது இடத்தில் இருந்த பிரான்ஸை சேர்ந்த பெர்னார்ட் அர்னால்டின் சொத்து மதிப்பு, சுமர் 6 லட்சம் கோடியாக குறைந்துள்ளதால் அவரது இடத்தை அம்பானி அடைந்துள்ளார். முன்னதாக, எலோன் மஸ்க், செர்ஜி பிரின், லாரி பேஜ் போன்றோரையும் அம்பானி பின்னுக்கு தள்ளியது குறிப்பிடத்தக்கது.