நடிகை ரியாவை காவலில் எடுத்து கன்னத்தில் அறைய வேண்டும் - சுஷாந்த் குடும்பத்தினர்

பாலிவுட் நடிகர் சுஷாந்த் சிங்கின் குடும்பத்தினர் நடிகை ரியாவை காவலில் எடுத்து, கன்னத்தில் அறைய வேண்டும் என கேட்டுக் கொண்டதாக மும்பை காவல் அதிகாரி ஒருவர் தெரிவித்துள்ளார்.

சுஷாந்த் மரண விவகாரம் தொடர்பாக பல்வேறு சர்ச்சைகள் உலவி வரும் நிலையில், அவரது காதலி நடிகை ரியா சக்ரபர்த்தி சுஷாந்தை குடும்பத்தினரிடம் இருந்து அந்நியப்படுத்தி தனது கட்டுப்பாட்டில் வைத்திருந்ததாகவும், சுஷாந்தின் வங்கி கணக்கிலிருந்து பண மோசடி செய்ததாகவும் குற்றச்சாட்டு உள்ளது.

மும்பை போலீசார் ரியாவை இவ்வழக்கிலிருந்து தப்ப வைக்க முயல்வதாகவும் ஒரு தரப்பினர் குற்றம் சாட்டி வருகின்றனர். இந்நிலையில் சுஷாந்தின் குடும்பத்தினர் ரியாவை காவலில் எடுத்து, கன்னத்தில் அறைய வேண்டுமென கூறியதாக, காவல் துணை ஆணையர் பரம்ஜித் சிங் தாகியா தெரிவித்துள்ளார். மேலும் வாட்சஅப் உரையாடல்களை வெளியிட்டு, சுஷாந்தின் குடும்பத்தினர் வழக்கை திசைதிருப்ப முயல்வதாகவும் அவர் கூறியுள்ளார்.