தொடர்ந்து உயர்ந்து வரும் தங்கம் விலை இன்றும் சற்றே அதிகரிப்பு

தொடர்ந்து அதிகரித்து வரும் தங்கம் விலை இன்றும் சற்றே அதிகரித்துள்ளது. கடந்த சில நாட்களாக தங்கம் விலை வரலாறு காணாத வகையில் உயர்ந்து, பல புதிய உச்சங்களை எட்டி விற்பனை செய்யப்பட்டு வருகிறது.

ஏற்கனவே ஒரு சவரன் ஆபரணத்தங்கம் வரலாறு காணாத வகையில் 41 ஆயிரம் ரூபாயை கடந்து விற்பனையாகி வருகிறது. இந்நிலையில் தங்கம் விலை இன்றும் உயர்ந்துள்ளது.

நேற்று 5,199 ரூபாய்க்கு விற்பனையான ஒரு கிராம் ஆபரணத்தங்கம் இன்று 9 ரூபாய் உயர்ந்து, 5,208 ரூபாய்க்கு விற்பனை செய்யப்படுகிறது.

நேற்று 41,592 ரூபாய்க்கு விற்பனை செய்யப்பட்ட ஒரு சவரன் ஆபரணத்தங்கம் இன்று, 72 ரூபாய் உயர்ந்து 41,664 ரூபாய்க்கு விற்பனையாகிறது. அதே சமயம் பார் வெள்ளி நேற்றைய விலையில் மாற்றமின்றி 72,700 ரூபாய்க்கு விற்பனை செய்யப்படுகிறது.