ஏ.ஆர்.ரகுமானுக்கு எதிராக செயல்படுபவர்கள் கண்டிக்கத்தக்கவர்கள்: எஸ்.பி. வேலுமணி

இந்தி திரையுலகில் இசையமைப்பாளர் ஏ.ஆர். ரகுமானுக்கு எதிராக செயல்படுபவர்கள் கண்டிக்கத்தக்கவர்கள் என்று உள்ளாட்சித் துறை அமைச்சர் எஸ்.பி. வேலுமணி தெரிவித்துள்ளார்.

இந்தி திரையுலகில் ஒரு குழு தனக்கு எதிராக வதந்தி பரப்புவதாக ஏஆர் ரகுமான் அண்மையில் பேட்டியளித்திருந்தார். இதுதொடர்பாக அமைச்சர் எஸ்.பி. வேலுமணி ட்விட்டரில் வெளியிட்ட பதிவில், எல்லைகளில்லா இசையை எல்லைகள் கடந்து இயக்கி இந்தியாவிற்கே புகழ் சேர்த்த ஏ.ஆர். ரகுமானுக்கு எதிராக செயல்படுபவர்கள் கண்டிக்கத்தக்கவர்கள் என்று குறிப்பிட்டுள்ளார்.

எல்லைகளில்லா இசையை எல்லைகள் கடந்து இயக்கி இந்தியாவிற்கே புகழ் சேர்த்த நமது இசைப்புயல் திரு. ஏ.ஆர். ரகுமான் அவர்களுக்கு எதிராக செயல்படுபவர்கள் கண்டிக்கத்தக்கவர்கள்.

அவருக்கு என்னுடைய மனப்பூர்வமான ஆதரவை பதிவு செய்து கொள்கிறேன்.@CMOTamilnadu

— SP Velumani (@SPVelumanicbe) July 28, 2020

பாலிவுட்டில் ஒரு தரப்பினர் வதந்தி பரப்பி, நல்ல படங்களும் அதிக வாய்ப்புகளும் கிடைக்காமல் இருப்பதற்கு காரணமாக உள்ளனர் என்று, தமிழ் மண்ணின் ஆஸ்கர் நாயகன் ஏஆர் ரகுமான் தெரிவித்திருப்பது மிகவும் வருத்தமளிக்கிறது எனவும் அமைச்சர் தெரிவித்துள்ளார்.