ம.பி. முதல்வர் சிவ்ராஜ் சிங் செளகான் நலமுடன் இருப்பதாக ட்விட்டர் பதிவு

கொரோனா பாதித்து போபால் மருத்துவமனையில் அனுமதிக்கப்பட்டுள்ள மத்திய பிரதேச முதலமைச்சர் சிவ்ராஜ் சிங் செளகான், தாம் நலமுடன் இருப்பதாக ட்விட்டரில் பதிவு வெளியிட்டுள்ளார்.

அந்த பதிவில் அவர், கொரோனா களப்பணியாளர்களின் தன்னலமில்லா சேவைகளுக்காக தலைவணங்குவதாக கூறியுள்ளார். இதேபோல் கொரோனா அறிகுறிகள் இருந்தால் அச்சப்பட கூடாதெனவும், சுகாதார துறையினருக்கு உடனடியாக தெரியபடுத்த வேண்டுமெனவும் மக்களை அவர் கேட்டுக் கொண்டுள்ளார்.

பிரதமரின் மான் கீ பாத் உரையை, சிவ்ராஜ் சிங் செளகான் கேட்ட காட்சிகள் வெளியாகியுள்ளன. அதில் மருத்துவ சிகிச்சையில் அணிவிக்கப்படும் உடையை அணிந்து படுக்கையில் செளகான் அமர்ந்திருக்கும் காட்சிகள் உள்ளது.