விஸ்டாராவை தொடர்ந்து இண்டிகோவிலும் ஒற்றை பயணிகளுக்கு இரட்டை முன்பதிவு திட்டம் அறிவிப்பு

விஸ்டாராவை தொடர்ந்து ஒற்றை பயணிகளுக்கு இரண்டு இருக்கைகளை முன்பதிவு செய்வதற்கான வசதியை இண்டிகோ விமான நிறுவனம் அறிவித்துள்ளது.

கொரோனா பரவல் தடுப்பு நடவடிக்கையாக டிக்கெட் செலவைத் தவிர வேறு எந்த கூடுதல் கட்டணமும் இன்றி பயணிகள் 2 இருக்கைகளை முன்பதிவு செய்துக்கொள்ளும் வசதியை இம்மாத தொடக்கத்தில் விஸ்டாரா விமான நிறுவனம் அறிவித்தது.

இந்த நிலையில், இரட்டை முன்பதிவு திட்டத்தை இண்டிகோ அறிமுகம் செய்துள்ளது. அதன்படி ஜூலை 24 முதல் ஒரு பயணி 2 இருக்கைகளை ஆன்லைனில் மூலம் முன்பதிவு செய்யலாம்.

டிராவல் போர்ட்டல்கள், இண்டிகோ கால் சென்டர், விமான நிலைய கவுண்டர்கள் மூலம் முன்பதிவு செய்வோருக்கும் ஏற்கனவே ஒரு இருக்கையை முன்பதிவு செய்தவர்களுக்கும் இந்த சலுகை கிடையாது என்று இண்டிகோ நிறுவனம் தெரிவித்துள்ளது.

Our all-new 6E Double Seat service is here! Now reserve two seats for one person to enjoy a stress-free flying experience. Book now! https://t.co/U55Kr0B6bZ #LetsIndiGo pic.twitter.com/9iphp4sgjB

— IndiGo (@IndiGo6E) July 17, 2020