உலகின் 6 ஆவது பணக்காரர் என்ற இடத்தை பிடித்த முகேஷ் அம்பானி

உலகின் டாப் 10 பணக்காரர்கள் பட்டியலில் ரிலையன்ஸ் குழும தலைவர் முகேஷ் அம்பானி 6 ஆவது இடத்திற்கு முன்னேறி உள்ளார். ஆல்பபெட் (Alphabet) நிறுவனத்தின் இணை நிறுவனர் லாரி பேஜினை ஏழாம் இடத்திற்கு தள்ளி விட்டு, முகேஷ் அம்பானி ஆறாம் இடத்தை பிடித்துள்ளார்.

அம்பானிக்கு நேற்று மேலும் சுமார் 20 ஆயிரத்து 500 கோடி ரூபாய் அளவுக்கு சொத்து மதிப்பு உயர்ந்து அவரது நிகர சொத்து மதிப்பு 5.44 லட்சம் கோடியாக அதிகரித்துள்ளது.

கடந்த 22 நாட்களில் அவரது ரிலையன்ஸ் குழும பங்கு மதிப்பு சுமார் 60 ஆயிரம் கோடி ரூபாய் வளர்ச்சி கண்டது. கடந்த வாரம் உலக பணக்கார ர்கள் பட்டியலில் 9 ஆம் இடத்தில் இருந்த முகேஷ் அம்பானி, ஓரக்கிள் ஆஃப் ஒமஹா என அறியப்படும் வாரன் பபெட்டை பின்னுக்குத் தள்ளி 8 ஆவது இடத்தை பிடித்தார்.