இலங்கையில் நாடாளுமன்றத் தேர்தலுக்கான தபால் வாக்குப்பதிவு தொடக்கம்

இலங்கையில் அடுத்த மாதம் 5ம் தேதி நடைபெற உள்ள நாடாளுமன்றத் தேர்தலுக்கான தபால் வாக்குப்பதிவு, தொடங்கியது.

கொரோனா ஊரடங்கு காரணமாக, ஏப்ரல் 25-ம் தேதி நடைபெற இருந்த இலங்கை நாடாளுமன்ற தேர்தல், 2 முறை ஒத்திவைக்கப்பட்டது. இதையடுத்து, ஊரடங்கு விலக்கி கொள்ளப்பட்டதால், ஆகஸ்ட் மாதம் 5-ம் தேதி தேர்தலை நடத்த முடிவு செய்யப்பட்டு, அதற்கான தபால் வாக்குப்பதிவு நேற்று தொடங்கியது. இதில், ஆகஸ்ட் 5ம் தேதியன்று தேர்தல் பணியாற்ற உள்ள 7 லட்சத்திற்கும் மேற்பட்ட அரசு ஊழியர்கள், அதிகாரிகள் வாக்களித்து வருகின்றனர்.

இந்த தபால் வாக்குபதிவு 2 கட்டமாக 5 நாட்கள் நடைபெறுகிறது. இத்தேர்தலை முன்னிட்டு பலத்த பாதுகாப்பு ஏற்பாடுகள் செய்யப்பட்டுள்ளன. இலங்கை நாடாளுமன்றத்தின் மொத்த உறுப்பினர்கள் எண்ணிக்கை 225 ஆகும், அந்நாட்டில் மொத்தமாக ஒரு கோடியே 60 லட்சம் பேர் வாக்களிக்க தகுதி பெற்றவர்கள் ஆவர்.

Sri Lanka- First day of postal voting ends without serious incidents
-MENAFN, 14/07/2020-https://t.co/cbbd4MKWRM#GenElecSL #LKAElections2020#LKA #පාර්ලිමේන්තුමැතිවරණය

— CMEV (@cmev) July 14, 2020