கொரோனாவால் உயிரிழந்தவர்களின் உடல்களை தூக்கி வீசிய அவலம்

கர்நாடக மாநிலம் பல்லாரியில் கொரோனா தொற்றால் உயிரிழந்தவர்களின் உடல்களை சவக்குழியில் தூக்கி வீசும் காட்சிகள் வெளியாகி அதிர்ச்சியை ஏற்படுத்தியுள்ளது.

நாளுக்கு நாள் கொரோனாவின் தாக்கம் அதிகரித்துவரும்நிலையில், நேற்று ஒரே நாளில் பல்லாரி, கோரணகல் உள்ளிட்ட பகுதிகளில் கொரோனாவால் பாதிக்கப்பட்டிருந்த 9 பேர் உயிரிழந்தனர்.

இந்நிலையில், தூய்மை பணியாளர்கள், உயிரிழந்த 9 பேரின் உடல்களை சவக்குழியில் தூக்கி வீசி ஜேசிபி வாகனத்தால் மண்ணை கொட்டி மூடும் காட்சிகள் வெளியாகியுள்ளன. இதுகுறித்து உரிய விசாரணை நடத்தப்பட வேண்டும் என சமூக ஆர்வலர்கள் கோரிக்கை விடுத்துள்ளனர்.