காலிஸ்தான் அமைப்பைச் சேர்ந்த 3 தீவிரவாதிகள் சிக்கினர்

தடை செய்யப்பட்ட காலிஸ்தான் இயக்கத்தைச் சேர்ந்த 3 தீவிரவாதிகளை துப்பாக்கிகளுடன் போலீசார் கைது செய்துள்ளனர்.

பாகிஸ்தானின் உளவு அமைப்பான ஐஎஸ்ஐயிடம் பயிற்சி பெற்ற காலிஸ்தான் விடுதலை முன்னணி அமைப்பைச் சேர்ந்த தீவிரவாதிகள் டெல்லியில் இருப்பதாக போலீசாருக்கு தகவல் கிடைத்தது.

இதையடுத்து காண்டாநாலா பகுதியில் போலீசார் நடத்திய தேடுதல் வேட்டையில் மொஹிந்தர் பால்சிங், குர்தேஜ் சிங் மற்றும் லாவ்பிரீத் ஆகியோரைக் கைது செய்தனர். அவர்களிடம் இருந்து 3 கைத்துப்பாக்கிகளும் ஏராளமான தோட்டாக்களும் பறிமுதல் செய்யப்பட்டன.

விசாரணையில், டெல்லி மற்றும் பஞ்சாபில் சிலரைக் கொல்லும் நோக்கத்துடன் வந்ததாகத் தெரிவித்துள்ளனர். தொடர்ந்து அவர்களிடம் விசாரணை நடந்து வருகிறது.