கொரோனா தனிமைப்படுத்தல் முகாம் அமைக்க விடுதிக்கு பதிலாக கலையரங்கத்தைத் தரத் தயார் - சுரப்பா

கொரோனா தனிமைப்படுத்தல் முகாம் அமைக்க அண்ணா பல்கலைக்கழகத்தின் மாணவ மாணவியர் தங்கும் விடுதிக்குப் பதிலாகக் கலையரங்கத்தைத் தரத் தயார் எனத் துணைவேந்தர் சுரப்பா தெரிவித்துள்ளார்.

கொரோனா தனிமைப்படுத்தல் முகாம் அமைக்க அண்ணா பல்கலைக்கழகத்தில் உள்ள மாணவர் விடுதிகளை ஒப்படைக்கக் கோரிச் சென்னை மாநகராட்சி ஆணையர் பிரகாஷ் கடிதம் எழுதியிருந்தார்.

இதற்குப் பதிலளித்துள்ள துணைவேந்தர் சுரப்பா, ஏற்கெனவே பல்கலைக்கழகத்திலுள்ள சில கட்டடங்கள் வகுப்பறைகள் ஒப்படைக்கப்பட்டுள்ளதாகவும், கூடுதலாகக் கலையரங்கம், வகுப்பறைகளை வேண்டுமானால் எடுத்துக் கொள்ளலாம் என்றும் தெரிவித்துள்ளார். மாணவர்களின் உடைமைகள், ஆராய்ச்சிக் கட்டுரைகள், ஆய்வு தொடர்பான பொருட்கள் விடுதிகளில் உள்ளதால் அவற்றை ஒப்படைப்பதில் பல சிக்கல்கள் உள்ளதாகத் தெரிவித்துள்ளார். 

கொரோனா தனிமைப்படுத்தல் முகாம் அமைக்க விடுதிக்கு பதிலாக கலையரங்கத்தைத் தரத் தயார் - சுரப்பா #AnnaUniversity #Surappa #Hostels #Auditorium https://t.co/r4OXbGJlrY

— Polimer News (@polimernews) June 20, 2020