சிபிஎஸ் இ 12ம் வகுப்பு - விடுபட்ட பாடங்களுக்கான தேர்வு ரத்தாகிறது ?

சிபிஎஸ் இ 12ம் வகுப்பு தேர்வுகளை ரத்து செய்வது குறித்து விரைவில் முடிவெடுக்கப்படும் என்று மத்திய அரசு வட்டாரத் தகவல்கள் தெரிவிக்கின்றன.

ஜூலை ஒன்றாம் தேதியில் இருந்து விடுபட்ட பாடங்களுக்கான தேர்வுகள் நடைபெறும் என்று அறிவிக்கப்பட்டிருந்தது. இது தொடர்பான வழக்கில் தற்போதைய கொரோனா பேரிடர் காலத்தில் தேர்வுகளை நடத்துவது அவசியம்தானா என்று உச்சநீதிமன்றம் மத்திய அரசுக்கு கேள்வி எழுப்பியுள்ளது.

ஒரு வாரத்திற்குள் தேர்வுகளை ரத்து செய்ய இயலுமா என்பது குறித்து முடிவெடுக்கும்படி மத்திய அரசுக்கு உச்சநீதிமன்றம் உத்தரவிட்டுள்ளது. இதற்கான பதிலை மத்திய அரசு உச்சநீதிமன்றத்தில் தாக்கல் செய்ய உள்ளது.

மத்திய மனித வள மேம்பாட்டுத் துறை அமைச்சர் ரமேஷ் பொக்ரியால் கல்வித்துறை அதிகாரிகளுடன் ஆலோசனை மேற்கொண்டார்.

ஏற்கனவே மாணவர்கள் பெற்ற மதிப்பெண்கள் அடிப்படையில் ரத்து செய்யப்பட்ட பாடங்களுக்கும் மதிப்பெண் வழங்குவது குறித்து மத்திய அரசு முடிவு செய்யும் என்றும் எதிர்பார்க்கப்படுகிறது.

Held a video conference with the Secretary Higher Education, Secretary School Education and Literacy Department, and Chairpersons of @ugc_india, @AICTE_INDIA, @cbseindia29, DG of @DG_NTA and deliberated about various issues related to education. pic.twitter.com/ihyilkUwYR

— Dr Ramesh Pokhriyal Nishank (@DrRPNishank) June 18, 2020