ஜெ.அன்பழகன் மறைவுக்கு திமுக தலைவர் மு.க.ஸ்டாலின் இரங்கல்

Jun 10, 2020 10:20:28 AM 0 3460

திமுக தலைவர் மு.க.ஸ்டாலின் வெளியிட்டுள்ள இரங்கல் செய்தியில், கொரோனா நோய்த் தொற்றிலிருந்து தமிழக மக்களைப் பாதுகாக்க, தி.மு.க. முன்னெடுத்த செயல்திட்டங்களைச் சிறப்புடன் நிறைவேற்றுவதற்காக சிறிதும் ஓய்வின்றி ஜெ.அன்பழகன் களப்பணியாற்றியதாக குறிப்பிட்டுள்ளார்.

மக்கள் பணியில் தன்னை அர்ப்பணித்துக்கொண்டு, அதன் காரணமாக நோய்த்தொற்று ஏற்பட்டு, சிகிச்சை பலனின்றி மறைவெய்திய ஜெ.அன்பழகன், பொதுவாழ்வின் தியாக தீபமாக சுடர்விட்டொளிர்வதாக மு.க.ஸ்டாலின் கூறியுள்ளார்.

ஜெ.அன்பழகனின் மறைவுக்கு இரங்கல் தெரிவிக்கும் வகையில் திமுக சார்பில் 3 நாட்கள் துக்கம் கடைப்பிடிக்கப்படுவதாகவும், திமுக கொடிகளை அரைக்கம்பத்தில் பறக்க விடப்படும் என்று மு.க.ஸ்டாலின் அறிவித்துள்ளார்.

இடியும் மின்னலும் ஒருசேர இறங்கியது!

மக்கள் பணியில் அர்ப்பணித்துக்கொண்டு, தியாக தீபமாக சுடர்விட்டொளிரும் சகோதரர் @JAnbazhagan ஐ எப்படி மறப்பேன்? நானே தேம்பி அழும் நிலையில், அன்புவின் குடும்பத்தார்க்கும், உடன்பிறப்புகளுக்கும் எப்படி ஆறுதல் சொல்வேன்? இனி எப்போது பாச முகம் காண்பேன்?
— M.K.Stalin (@mkstalin) June 10, 2020