ஜம்மு-காஷ்மீரில் பாதுகாப்பு படையினர் என்கவுன்டரில் 3 தீவிரவாதிகள் சுட்டுக் கொலை
ஜம்மு காஷ்மீர், ஷோபியான் மாவட்டத்தில் பாதுகாப்புப் படையினர் நடத்திய என்கவுன்டரில் தீவிரவாதிகள் 3 பேர் சுட்டுக் கொல்லப்பட்டனர்.
ஷோபியான் மாவட்டத்தில் உள்ள ரெபான் (Reban) என்ற இடத்தில் தீவிரவாதிகள் பதுங்கி இருப்பதாக கிடைத்த தகவலை அடுத்து பாதுகாப்புப் படையினர் அங்கு தீவிர தேடுதல் வேட்டை நடத்தினர்.
அப்போது தீவிரவாதிகள் பாதுகாப்புப் படையினரை நோக்கி துப்பாக்கியால் சுட்டனர். பதிலுக்கு பாதுகாப்புப்படையினர் திருப்பிச் சுட்டதில் ஹிஸ்புல் முஜாஹிதீன், ஜெய்ஷே முகம்மது ஆகிய தீவிரவாத அமைப்புகளை சேர்ந்த 3 பேர் கொல்லப்பட்டனர்.
மேலும் பல தீவிரவாதிகள் பதுங்கி இருக்கலாம் என்பதால், தேடுதல் வேட்டை தொடர்ந்து நடைபெறும் என கூறப்படுகிறது.
RELATED POSTS
Comments