சென்னையில் மானியம் இல்லாத சிலிண்டர் விலை உயர்வு

சென்னையில் மானியம் இல்லாத சமையல் எரிவாயு சிலிண்டர் விலை 37 ரூபாய் உயர்ந்து 606 ரூபாய் ஐம்பது காசுகளாக உள்ளது.

பன்னாட்டுச் சந்தையில் விலை நிலவரத்துக்கேற்ப எண்ணெய் நிறுவனங்கள் மாதந்தோறும் சமையல் எரிவாயு விலையை நிர்ணயித்து வருகின்றன.

அதன்படி இந்தியன் ஆயில் நிறுவனம் சென்னையில் மானியம் அல்லாத 14 கிலோ சமையல் எரிவாயு சிலிண்டர் விலையைக் கடந்த மாதத்தைவிட 37 ரூபாய் உயர்த்தி 606 ரூபாய் 50 காசுகளாக நிர்ணயித்துள்ளது. டெல்லியில் சமையல் எரிவாயு விலை 11 ரூபாய் 50 காசுகள் உயர்ந்து 593 ரூபாயாக உள்ளது.

கொல்கத்தாவில் சமையல் எரிவாயு விலை 31 ரூபாய் 50 காசுகள் உயர்ந்து 616 ரூபாயாக உள்ளது. மும்பையில் சமையல் எரிவாயு விலை 11 ரூபாய் 50 காசுகள் உயர்ந்து 590 ரூபாய் 50 காசுகளாக உள்ளது.