68 நாட்களுக்கு பிறகு சென்னையில் இன்று சலூன்கடைகள் திறப்பு

சுமார் 68 நாட்களுக்கு பிறகு சென்னையில் இன்று சலூன்கடைகள் திறக்கப்பட்டுள்ளன.

தமிழகத்தில் பல்வேறு தளர்வுகளுடன் கூடிய 5-ம் கட்ட ஊரடங்கு இன்று முதல் அமலுக்கு வந்துள்ள நிலையில், சென்னையில் சலூன்கடைகளை திறக்க தமிழக அரசு ஒப்புதல் அளித்துள்ளது.

அதன்படி, சென்னையில் இன்று அதிகாலையிலேயே சலூன் கடைகள் திறக்கப்பட்டன. நீண்ட நாட்களுக்கு பிறகு சலூன் கடைகள் திறக்கப்பட்டுள்ளதால் காலை ஆறு மணி முதலே கடைகளின் முன்பு ஏராளமானோர் திரண்டிருந்தனர். முகக் கவசம், கையுறைகள் அணிந்து ஊழியர்கள் முடிதிருத்தும் பணிகளில் ஈடுபட்டுள்ளனர். அதேபோல முடிவெட்ட வருவோரும் கட்டாயம் முகக்கவசம் அணிய அறிவுறுத்தப்பட்டுள்ளது.