சென்னையில் குறைந்துள்ள கொரோனா கட்டுப்படுத்தப்பட்ட பகுதிகளின் எண்ணிக்கை

May 31, 2020 02:13:17 PM 0 2746

சென்னையில் கட்டுப்படுத்தப்பட்ட பகுதிகளின் எண்ணிக்கை 254லிருந்து 201ஆக குறைந்துள்ளது.

சென்னையில் ஒரு தெருவில் 5 பேருக்கும் குறைவானவர்கள் பாதிக்கப்படடிருந்தால், அந்த தெரு முழுவதும் அல்லாமல், பாதிக்கப்பட்டோரின் வீடுகள் மட்டும் தனிமைப்படுத்தப்படுகின்றன.

அதேநேரத்தில், 5 பேருக்கும் மேல் பாதிக்கப்பட்டால் அப்பகுதி முழுவதும் கட்டுப்படுத்தப்பட்ட பகுதியான அறிவிக்கப்படுகிறது.

இந்த நிலையில், சென்னையில் 254ஆக இருந்த கட்டுப்படுத்தப்பட்ட பகுதிகளின் எண்னிக்கை 201ஆக குறைந்துள்ளது. மேலும், 14 நாட்களாக நோய்த்தொற்று பாதிப்பு இல்லாத 53 பகுதிகள் ஒரே நாளில் கட்டுப்படுத்தப்பட்ட பகுதியில் இருந்து விடுவிக்கப்பட்டுள்ளன.

அதன்படி, தற்போதுவரை 950 பகுதிகள் விடுவிக்கப்பட்டுள்ளன. அதிகபட்சமாக ராயபுரம் மண்டலத்தில் 67 பகுதிகளும் திரு.வி.க நகர் மண்டலத்தில் 23 பகுதிகளும் கட்டுப்படுத்தப்பட்டுள்ளன.

சென்னையில் குறைந்துள்ள கொரோனா கட்டுப்படுத்தப்பட்ட பகுதிகளின் எண்ணிக்கை #Coronavirus | #Covid19 | #chennai
https://t.co/9pXlUSoVVu
— Polimer News (@polimernews) May 31, 2020