காயமடைந்த தந்தையை சைக்கிளில் வைத்து 1200 கி.மீ. அழைத்துச் சென்ற சிறுமி... அன்பின் உயரம் என்று இவாங்கா ட்ரம்ப் புகழாரம்

May 23, 2020 12:27:59 PM 0 7442

டெல்லி குருகிராமில் இருந்து பீகாருக்கு ஆயிரத்து 200 கிலோ மீட்டர் தூரம் காயமடைந்த தந்தையை சைக்கிளில் வைத்து அழைத்து சென்ற சிறுமிக்கு இவாங்கா ட்ரம்ப் பாராட்டு தெரிவித்துள்ளார்.

குருகிராமில் தந்தையுடன் 15 வயது சிறுமி ஜோதி குமாரி தங்கியிருந்த நிலையில், ஊரடங்கிற்கு இடையே விபத்தில் காயமடைந்த தந்தையை பின்புறம் அமர வைத்து 7 நாட்கள் சைக்கிளில் பயணம் செய்து பீகாரில் உள்ள சொந்த ஊரான தர்பங்காவிற்கு அழைத்துச் சென்றார்.

இந்த நிகழ்வால் ஈர்க்கப்பட்டுள்ள அமெரிக்க அதிபர் டொனால்ட் ட்ரம்பின் மகள் இவாங்கா ட்ரம்ப், சிறுமி ஜோதி இந்திய மக்களின் பொறுமை, விடா முயற்சி மற்றும் அன்பின் உயரத்தை வெளிப்படுத்தியுள்ளதாக ட்வீட்டில் புகழாரம் சூட்டியுள்ளார்.

15 yr old Jyoti Kumari, carried her wounded father to their home village on the back of her bicycle covering +1,200 km over 7 days.

This beautiful feat of endurance & love has captured the imagination of the Indian people and the cycling federation!?? https://t.co/uOgXkHzBPz
— Ivanka Trump (@IvankaTrump) May 22, 2020