அமேசான் பிரைமில் பொன்மகள் வந்தாள் நேரடி ரிலீஸ் - அதிகாரப்பூர்வ அறிவிப்பு
ஊரடங்கால் திரையரங்குகள் மூடப்பட்டு கிடக்கும் நிலையில் ஓடிடி தளமான அமேசான் பிரைம் வீடியோவில் ஜோதிகா, கீர்த்தி சுரேஷ் நடித்த படங்கள் நேரடியாக வெளியிடப்பட உள்ளதாக அதிகாரப்பூர்வமாக அறிவிக்கப்பட்டுள்ளது.
கொரோனா பரவாமல் இருக்க திரையரங்குகள் மூடப்பட்டுள்ளதால், புதிய திரைப்படங்களை திரையரங்குகளில் ரிலீஸ் செய்ய இயலாத சூழ்நிலை நிலவுகிறது. இந்த சூழ்நிலையில் அமேசான் பிரைம் வீடியோவில் சூர்யா தயாரிப்பில் ஜோதிகா நடித்துள்ள தமிழ்படமான பொன்மகள் வந்தாள் படம் இம்மாதம் 29ம் தேதி வெளியாகும் என்று அறிவிக்கப்பட்டுள்ளது.
இதே போல் இயக்குனர் கார்த்தி சுப்பராஜ் தயாரிப்பில், கீர்த்தி சுரேஷ் நடிப்பில் தமிழ், தெலுங்கில் உருவாகியுள்ள பென்குயின் ஜூன் 19ம் தேதியும் ரிலீஸ் செய்யப்படவுள்ளதாக அறிவிக்கப்பட்டுள்ளது.
படங்களை நேரடியாக ஓடிடி தளத்தில் வெளியிட திரையரங்க உரிமையாளர்கள் எதிர்ப்பு தெரிவித்து வருகின்றனர். இந்த நிலையில் சூர்யா, கார்த்தி சுப்பராஜ் தயாரித்துள்ள படங்கள் திரையரங்குகளில் வெளியாகாமல் நேரடியாக அமேசான் பிரைமில் வெளியாக உள்ளது.
RELATED POSTS
Comments