விராட் கோலி, மகேந்திர சிங் தோனி ஆகியோரில் தோனியே சிறந்த கேப்டன்: ஷிகர் தவான்

விராட் கோலி, மகேந்திர சிங் தோனி ஆகியோரில் தோனியே சிறந்த கேப்டன் என இந்திய அணியின் தொடக்க ஆட்டக்காரர் ஷிகர் தவான் தெரிவித்துள்ளார்.

முன்னாள் வீரர் இர்பான் பதானுடன்  இன்ஸ்டாகிராமில் நேரலையில் உரையாடியபோது, இந்திய அணியில் சிறந்த கேப்டனாக யாரை நினைக்கிறீர்கள்  என அவரிடம் கேள்வி கேட்கப்பட்டது. அதற்கு தவான், தாம் கோலி, தோனி ஆகிய 2 கேப்டன்கள் தலைமையின்கீழ்தான் இதுவரை விளையாடியிருப்பதாகவும், அதில் தோனியே சிறந்த கேப்டன் என்றும் பதிலளித்தார்.

இந்திய அணியில் தற்போது விளையாடும் சிறந்த பேட்ஸ்மேன் யார் என்ற கேள்விக்கு விராட் கோலி என பதிலளித்த தவான், உலகில் யாருடைய பந்துவீச்சை எதிர்கொள்வதை கடினமாக கருதுகிறீர்கள்  என்ற கேள்விக்கு ஆஸ்திரேலிய வேகபந்து வீச்சாளர் மிட்செல் ஸ்டார்க் எனவும்  கூறினார்.