நாளை மாநில முதலமைச்சர்களுடன் பிரதமர் மோடி கலந்துரையாடல்

May 10, 2020 03:35:14 PM 0 5557

பிரதமர் நரேந்திர மோடி திங்கட்கிழமை மாநில முதலமைச்சர்களுடன் காணொலியில் கலந்துரையாடுகிறார். கொரோனா சிக்கலுக்குப் பின் ஏற்கெனவே 4 முறை மாநில முதலமைச்சர்களுடன் பிரதமர் மோடி கலந்துரையாடி உள்ளார்.

ஊரடங்கு முடிய ஒருவாரமே உள்ள நிலையில் திங்கட் கிழமை ஐந்தாம் முறையாக மாநில முதலமைச்சர்களுடன் காணொலியில் கலந்துரையாட உள்ளார். தமிழக முதலமைச்சர் எடப்பாடி பழனிசாமியுடன் பிற்பகல் 3 மணிக்குக் கலந்துரையாடுகிறார்.

அப்போது கொரோனா அதிகமாகப் பரவியுள்ள இடங்கள், பரவலுக்கான காரணம், அதைத் தடுக்க எடுக்கப்பட்டுள்ள நடவடிக்கை ஆகியவை பற்றியும், போதிய அளவில் சோதனைக் கருவிகள், மருந்துகள் உள்ளனவா என்பது குறித்தும் பிரதமர் கேட்டறிவார் எனக் கூறப்படுகிறது.

ஊரடங்கை நீட்டிக்க வேண்டியுள்ளதா என்றும், ஊரடங்கைத் தளர்த்தினால் கடைப்பிடிக்க வேண்டிய வழிமுறைகள் குறித்தும் பேசுவார்கள் என எதிர்பார்க்கப்படுகிறது. அப்போது பொருளாதாரப் பாதிப்பைச் சரிசெய்யத் தமிழகத்துக்கு 12ஆயிரம் கோடி ரூபாய் நிதி வழங்கவும், வரி வருவாயில் தமிழகத்துக்கான பங்கை வழங்கவும் முதலமைச்சர் வலியுறுத்துவார் எனக் கூறப்படுகிறது.