தமிழகத்தில் மதுக்கடைகளை மூட உயர்நீதிமன்றம் பிறப்பித்த உத்தரவை எதிர்த்து உச்சநீதிமன்றத்தில் தமிழக அரசு மேல்முறையீடு

May 09, 2020 02:14:42 PM 0 2591

தமிழகத்தில் டாஸ்மாக் மதுபானக் கடைகளை மூட, சென்னை உயர்நீதிமன்றம் பிறப்பித்த உத்தரவை எதிர்த்து, தமிழக அரசு உச்சநீதிமன்றத்தில் மேல்முறையீடு செய்துள்ளது.

தமிழகத்தில் ஊரடங்கு முடியும் வரை மதுக்கடைகளை திறக்க சென்னை உயர்நீதிமன்றம் உத்தரவிட்டுள்ளது.

டாஸ்மாக் கடைகள் திறப்பில், உயர்நீதிமன்ற உத்தரவுகள் பின்பற்றப்படவில்லை எனக் கூறி தொடரப்பட்ட வழக்கில் இந்த ஆணை பிறப்பிக்கப்பட்டது.

மே 17ஆம் தேதி வரை மதுக்கடைகளை திறக்கக் கூடாது என்றும், ஆன்லைனில் மட்டும் மதுவிற்பனையை தொடரலாம் என்றும் உயர்நீதிமன்றம் கூறியிருந்தது.

இதை எதிர்த்து தமிழக அரசு உச்சநீதிமன்றத்தில் மேல்முறையீடு செய்துள்ளது. தமிழகத்தில் மதுக்கடைகள் திறக்கப்பட்டபோது, உரிய பாதுகாப்பு ஏற்பாடுகள் செய்யப்பட்டதை உயர்நீதிமன்றம் கருத்தில் கொள்ளவில்லை என தமிழக அரசின் மனுவில் கூறப்பட்டுள்ளது.

மதுபானக் கடைகளை திறப்பதற்கு தடை விதிக்கும் உயர்நீதிமன்ற உத்தரவை ரத்து செய்யுமாறு மனுவில் தமிழக அரசு கேட்டுக்கொண்டுள்ளது.