நெல்லை மாவட்டத்தில் வனத்துறையினர் கூண்டில் சிக்கிய சிறுத்தை
நெல்லை மாவட்டம் விக்கிரமசிங்கபுரம் அருகே பொதுமக்களை அச்சுறுத்தி வந்த சிறுத்தை பிடிபட்டது.
ஆலடியூர் வனப்பகுதியை ஒட்டிய வேம்பையாபுரம், இந்திராநகர், திருப்பதியாபுரம் பகுதிகளில் சிறுத்தைகள் நடமாடுவதாக வனத்துறையினரிடம் புகார் அளிக்கப்பட்டது. இதனை அடுத்து வனத்துறையினர் சிறுத்தையை பிடிப்பதற்காக கூண்டு வைத்தனர். நேற்றிரவு அந்த கூண்டில் 2வயது மதிக்கத்தக்க பெண் சிறுத்தை ஒன்று சிக்கியது.
வனத்துறையினர் கூண்டில் சிக்கிய சிறுத்தையை பாதுகாப்பாக கொண்டு சென்று கவுதலையாற்று வனப்பகுதிக்குள் விட்டனர். கடந்த 2 மாதங்களில் ஏற்கனவே 3 பெண் சிறுத்தைகள் அடுத்தடுத்து சிக்கிய நிலையில், தற்போது நான்காவதாக சிறுத்தை வனத்துறையினரின் கூண்டில் சிக்கியிருப்பது குறிப்பிடத்தக்கது.
RELATED POSTS
Comments