முழு ஊரடங்கிற்கு மக்களை முன் கூட்டியே தயார் செய்திருக்க வேண்டும் - மு.க.ஸ்டாலின்

Apr 26, 2020 07:40:11 PM 0 4808

தமிழகத்தில், 3 மாநகராட்சிகளில் 4 நாள் முழு ஊரடங்கை அறிவிக்கும் முன்பாக, மக்களை முதலில் மன ரீதியாக தயார் செய்திருக்க வேண்டும் என்று திமுக தலைவர் மு.க. ஸ்டாலின் தெரிவித்துள்ளார்.

சென்னை உள்ளிட்ட மாநகரங்களில், சனிக்கிழமை அத்தியாவசிய பொருட்கள் வாங்கவும், காய்கறிகள் வாங்கவும் மக்கள் கூட்டம் அலைமோதிய காட்சியை அறிக்கையொன்றில் அவர் சுட்டிக்காட்டி உள்ளார்.

கொரோனா போன்ற பேரிடர் காலங்களில் மக்களின் நலனை காப்பதே ஓர் அரசின் முக்கிய கடமை என அவர் வலியுறுத்தி உள்ளார்.

ஊரடங்கு காரணமாக, தமிழகத்திற்கு திரும்ப முடியாமல் ராஜஸ்தான் மாநிலத்தில் சிக்கி தவிக்கும் தமிழக கல்லூரி மாணவர்களை பாதுகாப்பாக மீட்டு அழைத்து வர, விரைந்து நடவடிக்கை எடுக்குமாறு, முதலமைச்சர் எடப்பாடி பழனிசாமியை, மு.க. ஸ்டாலின் கேட்டுக்கொண்டுள்ளார்.

மக்களின் உயிர் - மருத்துவர்களின் பாதுகாப்புக் குறித்து அக்கறையற்ற ஆட்சியாளர்களால், RGGGH-ல் ஏற்பட்டுள்ள உயிரிழப்பு அதிர்ச்சியை ஏற்படுத்தியுள்ளது.

அவசர சிகிச்சை பிரிவுக்குள் நோயாளிகளை நெருங்கவே அஞ்சும் நிலைக்கு மருத்துவர்களை தள்ளியது ஏன் என தமிழக அரசு பதில் சொல்லியாக வேண்டும். pic.twitter.com/pmtpsKflzp
— M.K.Stalin (@mkstalin) April 26, 2020