ஊரடங்கில் பறிமுதல் செய்யப்பட்ட வாகனங்கள் இன்று முதல் திரும்ப ஒப்படைப்பு
ஊரடங்கில் பறிமுதல் செய்யப்பட்ட வாகனங்கள், இன்று முதல் திரும்ப ஒப்படைக்கப்படும் என தமிழக காவல்துறை தெரிவித்துள்ளது.
ஊரடங்கில் பறிமுதல் செய்யப்பட்ட வாகனங்களை உரிமையாளர்கள் திரும்ப பெற்று கொள்ளலாம் என்று தமிழக காவல்துறை தலைவர் திரிபாதி அறிவித்துள்ளார்.
இதுகுறித்து அவர் வெளியிட்டுள்ள அறிவிப்பில், கடந்த மாதம் 24ம் தேதி முதல் எப்.ஐ.ஆர். (F.I.R) பதிவான வரிசைப்படி எந்த இடத்தில் வந்து வாகனங்களை பெற்றுக் கொள்ளவேண்டும் என்ற தகவல், உரிமையாளர்களுக்கு முன்கூட்டியே அனுப்பப்படும் என்றும், அது கிடைத்ததும் நேரில் வந்து பெற்றுக் கொள்ளலாம் என்றும் கூறப்பட்டுள்ளது.
வாகனங்களை திரும்ப பெற வரும்போது, ஒரிஜினல் ஆர்.சி. (R.c.), ஒரிஜினல் லைசென்ஸ் மற்றும் அதன் ஜெராக்ஸ்களையும் (Xerox) எப்.ஐ.ஆர். (F.I.R.) நகலையும் கொண்டு வர வேண்டும் எனவும் தெரிவிக்கப்பட்டுள்ளது.
பறிமுதல் வாகனங்கள் அந்தந்த காவல்நிலையத்திற்கு உட்பட்ட பகுதியில் காலை 7 மணி முதல் மதியம் 12.30 மணி வரை அளிக்கப்படும் எனவும் குறிப்பிடப்பட்டுள்ளது.
RELATED POSTS
Comments