ஆப்பிள் SE 2ம் தலைமுறை ஐபோன்கள் இந்தியாவில் அறிமுகம்
ஆப்பிள் எஸ் இ 2ம் தலைமுறை ஐபோன்கள்
கொரோனா பாதிப்புகளுக்கு நடுவே சப்தமில்லாமல் ஆப்பிள் நிறுவனத்தின் எஸ் இ வகையைச் சேர்ந்த 2ம் தலைமுறை ஐபோன்கள் இந்தியாவில் அறிமுகம் செய்யப்பட்டுள்ளன.
64, 128 மற்றும் 256 ஜிபி ஸ்டோரேஜ் கொண்ட இந்த வகை போன்கள் கருப்பு மற்றும் வெள்ளை நிறத்தில் வடிவமைக்கப்பட்டுள்ளன. 4 புள்ளி 7 இன்ச் அகலமுள்ள ரெட்டினா தொடுதிரையுடன் வந்துள்ள இந்தவகை ஐபோன்கள் தூசு மற்றும் தண்ணீரால் பாதிக்கப்படாத வண்ணம் வடிவமைக்கப்பட்டுள்ளது. 12 மெகா பிக்ஸல் கொண்ட பின்புறக் கேமராவும், ஹெச் டி தரத்துடன் கூடிய முன்பக்க கேமராவும் இந்த போனில் இணைக்கப்பட்டுள்ளது. வினாடிக்கு 60 நகர்வுகள் என்ற வேகத்தில் 4கே தரத்திலான வீடியோவும் இந்த ஐபோன் எஸ் இ மூலம் எடுக்க முடியும் என்பது குறிப்பிடத்தக்கது. இந்தியாவில் சுமார் 42 ஆயிரத்து 500 ரூபாயாக ஆப்பிள் ஐபோன் எஸ் இ இரண்டாம் தலைமுறை போன்களுக்கு விலையாக நிர்ணயிக்கப்பட்டுள்ளது.
RELATED POSTS
Comments