நீட்டிக்கப்படுமா ஊரடங்கு? காலை 10 மணிக்கு நாட்டு மக்களுக்கு பிரதமர் உரை

Apr 14, 2020 06:14:50 AM 0 2633

நாடு முழுவதும் 21 நாள் ஊரடங்கு இன்றுடன் நிறைவடைய உள்ள நிலையில், பிரதமர் நரேந்திரமோடி காலை 10 மணிக்கு, நாட்டு மக்களுக்கு உரையாற்றுகிறார்.

கொரோனா வைரஸ் பரவுவதை தடுப்பதற்காக பிறப்பிக்கப்பட்ட 21 நாள் ஊரடங்கு உத்தரவு இன்று முடிவுக்கு வருகிறது. கொரோனா வைரஸ் தாக்கம் குறையாததால் பல மாநிலங்கள் ஊரடங்கு உத்தரவை நீட்டிக்க வேண்டும் என்று பிரதமர் மோடியிடம் பரிந்துரைத்துள்ளன. தமிழகம், ஒடிசா, பஞ்சாப், மஹாராஷ்டிரா, தெலங்கானா மற்றும் மேற்கு வங்காளம் உள்ளிட்ட சில மாநிலங்கள், ஊரடங்கை நீட்டித்து உத்தரவு பிறப்பித்துள்ளன.

இந்நிலையில், இம்முறை ஊரடங்கை நீட்டித்தாலும், முன்பு போல் ஒட்டுமொத்தமாக முடக்காமல், சிவப்பு, ஆரஞ்சு, பச்சை என்று மூன்று மண்டலமாக பிரித்து ஊரடங்கை பகுதி அளவு தளர்வுடன் அமல்படுத்த மத்திய அரசு முடிவு செய்துள்ளதாக தகவல் வெளியாகி உள்ளது. இதற்கிடையே, கொரோனா பாதிப்பு தொடங்கியதில் இருந்து இதுவரை 2 முறை நாட்டு மக்களுக்கு பிரதமர் மோடி உரையாற்றி உள்ளனர். ஒருமுறை வீடியோ செய்தியை வெளியிட்டார். இன்றுடன் ஊரடங்கு உத்தரவு முடிவுக்கு வருவதால், அதை தொடர்வது பற்றி அறிவிப்பதற்காக இன்று காலை 10 மணிக்கு பிரதமர் மோடி உரையாற்ற உள்ளார். இதில் பல்வேறு அறிவிப்புகளை பிரதமர் மோடி வெளியிடுவார் என்று எதிர்பார்க்கப்படுகிறது.