கொரோனா பாதித்தவர்களில் 76 சதவீத ஆண்கள்,24 சதவீத பெண்கள் - மத்திய சுகாதார அமைச்சகம்

Apr 06, 2020 05:26:53 PM 0 1912

நாட்டில் கொரோனா பாதித்தவர்களில் 76 சதவிகிதம் பேர் ஆண்கள் என்றும் 24 சதவிகிதம் பேர் பெண்கள் என்றும் சுகாதார அமைச்சகம் தெரிவித்துள்ளது.

டெல்லியில் செய்தியாளர்களிடம் பேசிய சுகாதார அமைச்சக இணைச் செயலாளர் லவ் அகர்வால், நோயாளிகளில் 47 சதவிகிதம் பேர் 40 வயதுக்கும் குறைவானவர்கள் என்று தெரிவித்தார். நாட்டில் தொற்று உறுதியாகி இதுவரை அதிகாரப்பூர்வமாக அறிவிக்கப்பட்டுள்ள 4067 பேரில், 1455 பேர் நிசாமுதீன் தப்லீக் ஜமாத் கூட்டத்திற்கு தொடர்புடையவர்கள் என்றும் அவர் தெரிவித்தார்.

கொரோனா இறப்பு எண்ணிக்கையை பொறுத்தவரை 63 சதவிகிதம் பேர் 60 வயதையும் தாண்டியவர்கள் என்றார் அவர். கொரோனா ஒழிப்புக்காக தேசிய சுகாதார திட்ட நிதியில் இருந்து மாநிலங்களுக்கு ஏற்கனவே 1100 கோடி வழங்கப்பட்டுள்ளதாகவும், இன்று மேலும் 3000 கோடி ரூபாய் வழங்கப்படுவதாகவும் லவ் அகர்வால் தெரிவித்தார்.

693 new #COVID19 cases have been reported in the last 24 hours, taking the total number to 4067 in India out of which 1445 cases are related to Jablighi Jamaat. 76 per cent cases have been reported in males & 24 per cent in females: Lav Aggarwal, Joint Secretary, Health Ministry pic.twitter.com/gV8OtOs664
— ANI (@ANI) April 6, 2020