அத்தியாவசியப் பொருட்கள் விற்பனையகங்களில் மறைத்து விற்கப்பட்ட குட்கா
கன்னியாகுமரி மாவட்டம் களியக்காவிளையில் அத்தியாவசியப்பொருட்கள் விற்பனையகங்களில் மறைத்து விற்கப்பட்ட ஒரு கோடி ரூபாய் மதிப்புள்ள குட்கா மற்றும் புகையிலைப் பொருட்களை போலீசார் பறிமுதல் செய்தனர்.
ஊரடங்கு உத்தரவு அமலில் உள்ள நிலையில், காய்கறி வாகனங்களில் மறைத்து தமிழக-கேரள எல்லை வழியாக குட்கா கடத்தப்படுவதாக வந்த தகவலின்பேரில் போலீசார் சோதனை மேற்கொண்டனர். அப்போது, அந்த பகுதியில் 5 கடைகளில் குட்கா மறைத்து வைத்திருந்தது தெரியவந்தது. இதையடுத்து கடை உரிமையாளர்கள் 5 பேரையும் கைது செய்த போலீசார், ஒரு கோடி ரூபாய் மதிப்புள்ள குட்கா, புகையிலைப்பொருட்களை பறிமுதல் செய்தனர்.விசாரணையில், பல ஆண்டுகளாக குட்கா விற்பனை செய்து வந்ததும் மதுக்கடைகள் தற்போது அடைக்கப்பட்டுள்ளதால் குட்கா, புகையிலைப்பொருட்களுக்கு கிராக்கி அதிகரித்துள்ளதும் தெரியவந்தது.
RELATED POSTS
Comments