காய்ச்சலுடன் வந்த 2 பேருக்கு கொரோனா...108 பேருடன் தனிமைபடுத்தப்பட்ட மருத்துவமனை

டெல்லி மருத்துவமனைக்கு காய்ச்சலுக்காக சிகிச்சைக்கு வந்த 2 பேருக்கு கொரோனா உறுதியானதால், அவர்கள் வந்தபோது மருத்துவமனையிலிருந்த மருத்துவர்கள், செவிலியர்கள் உள்ளிட்ட 108 பேர் தனிமைபடுத்தப்பட்டுள்ளனர்.

சர் கங்கா ராம் ((Sir Ganga Ram)) மருத்துவமனைக்கு 4 நாள்களுக்கு முன்பு காய்ச்சலுடன் 2 பேர் சிகிச்சைக்கு வந்தனர். கொரோனா அறிகுறிகள் இல்லாத போதிலும் ரத்த மாதிரி சேகரிக்கப்பட்டு பரிசோதனை நடத்தப்பட்டது. 2ஆவது பரிசோதனையில், 2 பேருக்கு கொரோனா உறுதியாகியுள்ளதால், 2 பேருடன் மருத்துவமனையில் நேரடி தொடர்பில் இருந்த 108 பேர் தனிமைபடுத்தப்பட்டுள்ளனர். அதில் 23 பேர்  மருத்துவமனையிலேயே தனிமைப்படுத்தப்பட்டுள்ளனர். எஞ்சிய 85 பேரை அவர்களது வீடுகளிலேயே தனிமையில் இருக்க அறிவுறுத்தப்பட்டிருப்பதாக மருத்துவமனை வட்டாரங்கள் கூறியுள்ளன.