வெளிநாட்டில் இருந்து வந்தவர்கள் சுயதனிமைப்படுத்தலில் இருக்க வேண்டும் - மீறினால் சட்ட நடவடிக்கை

Mar 23, 2020 11:46:53 AM 0 1184

வெளிநாட்டில் இருந்து வந்தவர்கள் சுயதனிமைப்படுத்தல் உத்தரவை மீறினால் சட்ட நடவடிக்கை எடுக்கப்படும் என்று சுகாதாரத்துறை அமைச்சர் விஜயபாஸ்கர் எச்சரித்துள்ளார்.

தமிழகத்தைப் பொறுத்தவரை, வெளிநாடுகளில் இருந்து வந்தவர்களும் மாநிலத்திற்கு வெளியே பயணித்தவர்களுமே, கொரோனா பாதிக்கப்பட்டவர்களாக உள்ளனர். எனவே கடந்த ஒரு மாதத்தில் வெளிநாடுகளில் இருந்து வந்தவர்கள் தங்களை தனிமைப்படுத்திக் கொள்வதோடு, அறிகுறிகள் இருந்தால் மருத்துவருக்கு தெரிவிக்க வேண்டும் என விஜயபாஸ்கர் அறிவுறுத்தியுள்ளார்.

அத்தகைய சிலர் கண்காணிக்கப்பட்டாலும், அரசின் கண்டிப்பான உத்தரவுக்கு மாறாக, சுயதனிமைப்படுத்தலை மீறி, சமூகத் தொற்றுக்கான அச்சுறுத்தலாக மாறுகின்றனர் என விஜயபாஸ்கர் குறிப்பிட்டுள்ளார்.

வெளிநாடுகளில் இருந்து வந்தவர்களின் பட்டியல் மாவட்ட நிர்வாகங்களுக்கு வழங்கப்பட்டு, போலீசார் கண்காணித்து வருகின்றனர் என தெரிவித்துள்ள அமைச்சர், உத்தரவுகளை மீறுபவர்கள் மீது சட்ட நடவடிக்கை எடுக்கப்படும் என எச்சரித்துள்ளார்.

#update: Though tracked,some of the travellers violate Govt’s strict order to #selfquarantine,thus becoming a threat for community transmission.The list of travelers is handed over to district admin & police for tracking,if anyone violates the order, legal action will be taken
— Dr C Vijayabaskar (@Vijayabaskarofl) March 23, 2020