கொரோனா காரணமாக உறவினர்களை சந்திக்க அனுமதிக்காததால் கைதிகள் ரகளை
கொரோனா வைரஸ் பாதிப்பு காரணமாக கொல்கத்தா சிறையில் இருந்த கைதிகள் தங்கள் உறவினர்களை சந்திக்க அனுமதி மறுக்கப்பட்டதால் ஆத்திரமடைந்த கைதிகளுக்கும் சிறைக் காவலர்களுக்கும் இடையே கடும் மோதல் வெடித்தது.
கொல்கத்தாவின் டம் டம் சிறையில் இருந்த மேஜைகள்,நாற்காலிகள் உள்ளிட்ட உடைமைகளுக்குத் தீவைத்தும் கைதிகள் கலவரத்தில் ஈடுபட்டனர். சிறைக்காவலர்களை சிறைப்பிடித்த கைதிகள் பெரும் வன்முறைகளில் ஈடுபட்டனர்.
சிறையில் குண்டு வெடித்த சத்தம் கேட்டதாக கூறப்படுகிறது. 6 தீயணைப்பு வாகனங்கள் தீயை அணைக்க போராடின. இதையடுத்து போலீசாரும் அதிரடி ரிசர்வ் படையினரும் சிறை வளாகத்தில் புகுந்து கைதிகளை கட்டுப்படுத்தினர். இந்த கலவரத்தில் ஒருவர் உயிரிழந்ததாக தகவல் வெளியாகியுள்ளது.
RELATED POSTS
Comments