இத்தாலி, பிரான்ஸ் நாடுகளை அச்சுறுத்தி வரும் கொரோனாவால் விளையாட்டு விடுதிகள் மூடல்

கொரோனா வைரஸ் பரவல் எதிரொலியாக ஐரோப்பாவின் ஆல்ப்ஸ் மலையில் உள்ள பனிச்சறுக்கு விளையாட்டு விடுதிகள் அனைத்தும் மூடப்பட்டுள்ளன.

ஐரோப்பாவில் பனிச்சறுக்கு விளையாட்டுக்குப் பெயர்பெற்ற ஆல்ப்ஸ் மலை பிரான்ஸ், சுவிட்சர்லாந்து, இத்தாலி, ஆஸ்திரியா, ஜெர்மனி உள்ளிட்ட நாடுகளில் பரவியுள்ளது.

கொரோனா வைரஸ் இத்தாலி, பிரான்ஸ் ஆகிய நாடுகளில் பரவி உயிரிழப்புகளை ஏற்படுத்தி வருவதால் அந்நாடுகளில் மக்கள் கூடும் பொது இடங்களும் சுற்றுலாத் தலங்களும் மூடப்பட்டுள்ளன.

இந்நிலையில் பிரான்சிலும் சுவிட்சர்லாந்திலும் ஆல்ப்ஸ் மலையில் அமைந்துள்ள பனிச்சறுக்கு விளையாட்டு விடுதிகளும் மூடப்பட்டுள்ளன.