சென்னை அணியை வீழ்த்தி ஐ.எஸ்.எல். கோப்பையை வென்ற கொல்கத்தா அணி
ஐ.எஸ்.எல் தொடரின் இறுதிப்போட்டியில் சென்னை அணியை வீழ்த்தி, கொல்கத்தா அணி மூன்றாவது முறையாக கோப்பையை கைப்பற்றியது.
கோவாவில் நடைபெற்ற போட்டியை காண கொரனா அச்சுறுத்தலால் ரசிகர்கள் யாரும் அனுமதிக்கப்படவில்லை. போட்டியின் ஆரம்பம் முதலே அதிரடியான ஆட்டத்தை வெளிப்படுத்திய கொல்கத்தா அணி வீரர்கள், 23 மற்றும் 47-வது நிமிடத்தில் அடுத்தடுத்து கோல் அடித்து அசத்தினர்.
தொடர்ந்து போராடிய சென்னை அணி 69-வது நிமிடத்தில் தனது முதல் கோலை பதிவு செய்தது. அதன் பிறகு, சென்னை அணி மேற்கொண்ட அனைத்து கோல் முயற்சிகளையும் முறியடித்த கொல்கத்தா அணியினர், போட்டியின் இறுதி நிமிடத்தில் ஒரு கோலை பதிவு செய்து 3-க்கு 1 என கோப்பையை கைப்பற்றினர்.
இதன் மூலம் மூன்றாவது முறையாக ஐ.எஸ்.எல் கோப்பையை கைப்பற்றிய முதல் அணி என்ற பெருமை கொல்கத்தா அணியை சேர்ந்துள்ளது.
RELATED POSTS
Comments