எண்ணெய் கிணற்றில் தவறி விழுந்த நாய்க்குட்டியை காப்பாற்றிய சிறுவன்
துருக்கியில் எண்ணெய் கிணற்றில் தவறி விழுந்து சிக்கிக் கொண்ட நாய்க்குட்டியை 10 வயது சிறுவன் உயிரை துச்சமென மதித்து மனித நேயத்துடன் காப்பாற்றிய காட்சி உலகம் முழுவதும் விலங்கு நல ஆர்வலர்களிடம் பாராட்டுக்களை குவித்து வருகிறது.
தியார்பகீர் மாநிலத்தின் தென்மேற்கு பகுதியில் இந்த அற்புத சம்பவம் நிகழ்ந்துள்ளது. எனிஸ் டேய்லன் என்ற பெயர் கொண்ட அந்த 10வயது சிறுவன் சாலையில் சென்று கொண்டிருக்கும் போது நாய்க்குட்டியின் சத்தம் கேட்டு நின்றுள்ளான்.
பின்னர் அந்த சத்தம் எங்கிருந்து வருகிறது என்று சுற்றுமுற்றும் பார்த்த சிறுவன் அருகில் இருந்த எண்ணெய் கிணற்றுக்குள் எட்டிப்பார்த்த போது அங்கு எண்ணெயில் நாய்க்குட்டி சிக்கி தவிப்பது தெரிய வந்தது. இதனை அடுத்து மற்ற நண்பர்கள் உதவியுடன் அந்த கிணற்றுக்குள் தலைகீழாக தொங்கியபடி சென்ற எனிஸ் நாய்க்குட்டியை எண்ணெய் குழம்பில் இருந்து காப்பாற்றி அருகில் இருந்த குளத்திற்கு எடுத்து சென்று சுத்தப்படுத்தினான்.x
RELATED POSTS
Comments