ஜம்மு காஷ்மீரில் 3 தீவிரவாதிகளை சுற்றி வளைத்து கைது செய்த பாதுகாப்பு படையினர்

ஜம்மு காஷ்மீர் குப்வாரா மாவட்டத்தில் தீவிரவாதிகளை சுற்றி வளைத்த பாதுகாப்பு படையினர் ஹிஸ்புல் முஜாயீதீன் இயக்கத்தைச் சேர்ந்த 3 தீவிரவாதிகளை கைது செய்தனர்.

இந்த தீவிரவாதிகள் காவல்துறையினரை தாக்க முயன்ற போது சிக்கியுள்ளனர். தீவிரவாதிகள் பதுங்கியிருப்பதாக கிடைத்த ரகசிய தகவலையடுத்து துணை ராணுவப் படையினர் அப்பகுதியில் தேடுதல் வேட்டையால் ஈடுபட்டனர்.

அப்போது அய்ஜாஸ் பைய்யர், முகமது அல்டாப் பைய்யர், அபு ரவுப் மாலிக் ஆகிய மூன்று பேரும் பாதுகாப்பு படையினரால் கைது செய்யப்பட்டனர்.இந்த மூவரும் தீவிரவாத இயக்கங்களுக்கு ஆள்பிடிக்க இளைஞர்களுக்கு வலைவீசியதாக குற்றம் சாட்டப்பட்டுள்ளது.