டிஸ்னிலேன்ட் சுற்றுலா தலத்தின் ஊழியருக்கு கொரோனா தொற்று

பாரிஸில் உள்ள சுற்றுலா தலமான டிஸ்னிலேண்டில் பராமரிப்பு பணியில் இருந்த ஒருவருக்கு கொரோனா தொற்று இருப்பது உறுதி செய்யப்பட்டுள்ளது. சீனாவின் ஊகான் மாகாணத்தில் உருவெடுத்த கொரோனா வைரஸ் உலகம் முழுவதும் பரவி அதிர்வலைகளை ஏற்படுத்தி வருகிறது.

இந்நிலையில், பாரிசில் உள்ள பிரபல சுற்றுலா தலமான டிஸ்னிலேண்டில் வைரஸ் தொற்று இருப்பது தெரிய வந்துள்ளது. பெயர் குறிப்பிடாத ஊழியர் ஒருவருக்கு வைரஸ் தொற்று இருப்பதை உறுதி செய்த டிஸ்னிலேண்ட் பூங்கா நிர்வாகம், அவர் பூங்காவிற்கு வரும் பார்வையாளர்களுடன் தொடர்பில் இருந்ததில்லை என உறுதி அளித்துள்ளது.

அதே நேரம் பாதிக்கப்பட்ட அந்த ஊழியருடன் தொடர்பில் இருந்த சக ஊழியர்கள் குறித்து விசாரித்து வருவதாகவும் தெரிவிக்கப்பட்டுள்ளது.