ஆட்டி படைக்கும் கொரானா : சீர்குலைந்த ஹோலி கொண்டாட்டங்கள்

உலகை மிரட்டும் ஆட்கொல்லி கொரானா வைரஸ் , இந்தியாவையும் அச்சுறுத்துவதால் எழுந்துள்ள பீதி, ஹோலி கொண்டாட்டங்களை சீர்குலைத்துள்ளது. தலைநகர் டெல்லி உள்பட பல பகுதிகளிலும் ஹோலி கொண்டாட்டங்களின்போது பயன்படுத்தப்படும் தண்ணீர் துப்பாக்கிகள், பொம்மைகள் விற்பனை சரிந்துள்ளது.

மற்றொருபக்கம் பண்ணை இல்லங்களிலும் , 5 நட்சத்திர ஹோட்டல்களிலும் ஹோலி கொண்டாட்ட நிகழ்ச்சிகள் முழுமையாக ரத்து செய்யப்பட்டு விட்டன. ஹோலி கொண்டாட்டங்களின் போது பயன்படுத்தும் பொம்மைகளில் 80 சதவீதம், இதுவரை சீனாவில் இருந்து இறக்குமதி செய்யப்படுபவையாக இருந்தன.

இப்போது, கொரானா பீதியால், சீன பொம்மைகள் விற்பனை முழுமையாக முடங்கி விட்டன. மொத்தத்தில் கொரானா வைரஸ் பீதி, ஒவ்வொருவரையும் ஆட்டி படைத்து வருகிறது.