கொரானா: ஊழியர்களை கண்டிப்புடன் அறிவுறுத்தியுள்ள விப்ரோ

ஹாங்காங், சீனாவின் மக்காவ் உள்ளிட்ட நகரங்களுக்கு, தங்களது ஊழியர்கள் பயணம் மேற்கொள்ள கூடாது என மிக கண்டிப்புடன், விப்ரோ அறிவுறுத்தியிருக்கிறது.

கொரானாவால் அல்லல்படும் சீனாவின் பல்வேறு நகரங்களுக்கு பயணமான சீன ஊழியர்கள் உட்பட பல்வேறு நாடுகளைச் சேர்ந்த தங்களது ஊழியர்கள், அவரவர் வீடுகளிலிருந்தே, அடுத்த 2 வாரங்களுக்கு பணிபுரியுமாறு, விப்ரோ கேட்டுக்கொண்டிருக்கிறது.

மேலும், ஜப்பான், தென்கொரியா, சிங்கப்பூர், இத்தாலி ஆகிய நாடுகளுக்கு, அவசர பணியாக இல்லாமல், ஊழியர்கள் யாரும், பயணம் மேற்கொள்ள வேண்டாம் என்றும்,விப்ரோ அறிவுறுத்தியிருக்கிறது.

கொரானாவை தடுக்கும் எளிய வழிமுறைகளை ஊழியர்கள் அனைவரும் தவறாது கடைபிடிக்க வேண்டும் என அறிவுறுத்தியுள்ள விப்ரோ, சுய சுகாதார பாதுகாப்பில், மிகவும் கவனமாக இருக்குமாறும் கேட்டுக்கொண்டுள்ளது.