அமெரிக்காவில் பலத்த சூறாவளி காற்றுக்கு 2 பேர் உயிரிழப்பு

அமெரிக்காவில் உள்ள நாஷ்வில்லே (Nashville) மற்றும் டென்னிஸ்ஸி(Tennessee))பகுதியை தாக்கிய சூறாவளி காற்றிற்கு 2 பேர் உயிரிழந்ததாக தெரிவிக்கப்பட்டுள்ளது.

நாஷ்வில்லே பகுதியில் வீசிய பலத்த சூறாவளி காற்றிற்கு 40 கட்டிடங்கள் இடிந்து விழுந்த நிலையில் மீட்பு பணியில் போலீசாரும், தீயணைப்பு வீரர்களும் ஈடுபட்டுள்ளனர்.

பெரும்பாலான இடங்களில் வீடுகள் சேதமடைந்ததில் கட்டிட இடிபாடுகளில் சிக்கி பலர் காயமடைந்ததாக கூறப்படுகிறது. இதற்கிடையே, வீட்டை விட்டு வெளியேறியவர்கள் தற்காலிகமாக தங்குவதற்கு அவசரகால செயல்பாட்டு மையம் நடவடிக்கை எடுத்துள்ளது.

பெரும்பாலான இடங்களில் மின் இணைப்பு துண்டிக்கப்பட்ட நிலையில், நாஷ்வில்லே முழுவதும் பள்ளிகளுக்கு விடுமுறை அளிக்கப்பட்டுள்ளது.