அமேசான் ஆற்றில் படகு கவிழ்ந்து 13 பேர் உயிரிழப்பு

பிரேசில் நாட்டில் ஆற்றில் படகு கவிழ்ந்த விபத்தில் 13பேர் உயிரிழந்தனர். மேலும் 28பேரை காணவில்லை. பிரேசிலின் வடபகுதியில் உள்ள அமாபா மாநிலத்தில் இந்த விபத்து நிகழ்ந்துள்ளது.

அமேசான் மழைக்காடுகளை சுற்றி பார்ப்பதற்காக பெரிய படகு ஒன்றில் ஏராளமான சுற்றுலா பயணிகள் சென்றுள்ளனர். அந்த படகு எதிர்பாராதவிதமாக அமேசான் ஆற்றில் கவிழ்ந்து விபத்துக்குள்ளானதில் 13 பேர் ஆற்றில் மூழ்கி உயிரிழந்திருக்கலாம் என்று நம்ப ப்படுகிறது.

மேலும் 28பேரை தேடும் பணி தீவிரமாக நடைபெற்று வருகிறது. விபத்து குறித்து பிரேசிலின் கடலோர காவல் படையினர் விசாரணை மேற்கொண்டுள்ளனர்.