விவசாயியாக உருவெடுத்த மகேந்திரசிங் தோனி - வைரல் வீடியோ

இந்திய கிரிக்கெட் அணி வீரர் மகேந்திர சிங் தோனி, தனது சொந்த ஊரில் தர்பூசணி விவசாயத்தில் ஈடுபடும் வீடியோ, இணையத்தில் வைரல் ஆகிவருகிறது.

சர்வதேச கிரிக்கெட் போட்டிகளுக்கு தற்காலிக விடுப்பு கொடுத்துள்ள தோனி, ஐபிஎல்லுக்கு தயாராகிவருகிறார்.

இந்நிலையில், தனது சொந்த ஊரான ஜார்க்கண்ட் மாநிலம் ராஞ்சியில், தர்பூசணி மற்றும் பப்பாளி விவசாய பணிகளில் தோனி ஈடுபட்டார். ஊதுபத்தி கொளுத்தி, தேங்காய் உடைத்த அவர், இனிப்புகள் மற்றும் பூக்களை படைத்து பயபக்தியுடன் வழிபாடு செய்து, விவசாய பணிகளை தொடங்கினார். இந்த வீடியோவை தனது பேஸ்புக் பக்கத்திலும் தோனி மகிழ்ச்சியுடன் பகிர்ந்துள்ளார்.