மார்ச் 9ந் தேதி கூடுகிறது சட்டப்பேரவை...

தமிழக சட்டப்பேரவை கூட்டத்தொடர் அடுத்த மாதம் 9ம் தேதி கூடுகிறது.

சட்டப்பேரவை பட்ஜெட் கூட்டத் தொடர், கடந்த 14ஆம் தேதி முதல் 20ஆம் தேதி வரை நடைபெற்றது.

இந்நிலையில் சட்டப்பேரவை கூட்டத் தொடர் 9ம் தேதி முதல்  சபாநாயகரால் கூட்டப்பட்டிருப்பதாக அதன் செயலாளர் சீனிவாசன் தெரிவித்துள்ளார்.

இக்கூட்டத் தொடர் 25 நாள்கள் நடைபெறும் என எதிர்பார்க்கப்படுகிறது. இதில் பல்வேறு துறை ரீதியான மானியக் கோரிக்கைகள் தாக்கல் செய்யப்பட்டு, அதன் மீது விவாதம் நடத்தப்படவுள்ளது.

இதில் எந்தெந்த நாளில் எந்தெந்த துறையின் மானியக் கோரிக்கைகள் தாக்கல் செய்யப்படும் என்பது குறித்து  அலுவல் ஆய்வு குழு கூட்டத்தில் விரைவில் முடிவெடுக்கப்படவுள்ளது.  மானியக் கோரிக்கைகளில் மக்கள் நலன் சார்ந்த பல்வேறு திட்டங்களும் புதிய அறிவிப்புகளும் இடம்பெறும் என எதிர்பார்க்கப்படுகிறது.