இந்தியா-நியூசிலாந்த் முதல் டெஸ்ட் போட்டி

இந்தியா- நியூசிலாந்த் அணிகள் இடையேயான முதலாவது டெஸ்ட் கிரிக்கெட் போட்டி வெல்லிங்டனில் நாளை தொடங்குகிறது.

ஒருநாள் கிரிக்கெட் போட்டியைத் தொடர்ந்து 2 டெஸ்ட் போட்டிகளை கொண்ட தொடரில் இரு அணிகளும் மோதுகின்றன. அதில் முதல் போட்டி, வெல்லிங்டனில் நாளை அதிகாலை 4 மணிக்கு தொடங்குகிறது. ஒருநாள் கிரிக்கெட் போட்டித் தொடரில் 3க்கு பூஜ்யம் என்ற கணக்கில் நியூசிலாந்திடம் இந்திய அணி தோல்வியை சந்தித்திருந்தது.

அந்தத் தோல்விக்கு டெஸ்ட் தொடரில் வெற்றி பெற்று இந்திய அணி பதிலடி கொடுக்கும் என எதிர்பார்க்கப்படுகிறது. போட்டி குறித்து செய்தியாளர்களிடம் பேசிய கேப்டன் கோலி, தொடக்க ஆட்டக்காரர்களாக பிருத்வி ஷாவும், மயங்க் அகர்வாலும் களமிறங்குவார்கள் என்றார்.