படப்பிடிப்பில் அஜித்திற்கு காயம் ... நடந்தது என்ன?

வலிமை திரைப்படத்தின் படப்பிடிப்பில் காயம் ஏற்பட்ட நிலையில், ஓய்வெடுக்குமாறு கேட்டுக் கொண்டும் தொடர்ந்து நடித்துக் கொடுத்து காட்சிகளை முடித்த பிறகே அஜித் புறப்பட்டதாக  தகவல் வெளியாகியுள்ளது.

இயக்குநர் வினோத் இயக்கத்தில் அஜித் நடித்துவரும் வலிமை படத்தின் படப்பிடிப்பு சென்னையில் நடைபெற்றுவருகிறது. இந்நிலையில், ஆக்ரோஷமான சண்டைக்காட்சி ஒன்றில் நடிகர் அஜித் பைக் ஓட்டியபோது, தடுமாறி கீழே விழுந்து கை, கால்களில் காயமடைந்ததாக கூறப்படுகிறது.

பின்னர் சுமார் 20 நிமிடங்கள் ஓய்வெடுத்த அஜித், மீண்டும் அந்த ஆக்ரோஷ சண்டைக் காட்சியில் நடித்துக் கொடுத்துள்ளார். காயம் காரணமாக ஓய்வெடுக்குமாறு இயக்குனர் வினோத் உள்ளிட்ட படக்குழுவினர் கேட்டுக் கொண்ட போதும், காட்சிகளை நடித்து கொடுத்த பிறகே அஜித் புறப்பட்டதாக கூறப்படுகிறது.