ஒரே நேரத்தில் டாஸ்மாக் ஆதரவு, எதிர்ப்பு போராட்டம்
ராணிப்பேட்டை மாவட்டம் வாலாஜாப்பேட்டை அருகே ஒரேநேரத்தில் டாஸ்மாக் கடைக்கு ஆதரவு மற்றும் எதிர்ப்பு தெரிவித்து சிலர் போராட்டத்தில் ஈடுபட்டனர்.
வன்னிமேடு பகுதியிலுள்ள டாஸ்மாக் கடையை அகற்றக்கோரி அப்பகுதியை சேர்ந்த ஆண்கள், பெண்கள் என பலர் பிற்பகலில் கடையின் முன்பு போராட்டத்தில் ஈடுபட்டனர். இதனால் கடை திறக்கமுடியாத சூழல் ஏற்பட்டது. இதனை பார்த்த மதுப்பிரியர்கள் சிலர் இப்பகுதியில் டாஸ்மாக் வேண்டும் என்பதை வலியுறுத்தி அவர்கள் அருகாமையிலே போராட்டத்தில் ஈடுபட்டனர்.
போராட்டத்தில் ஈடுபட்ட பெண்களை கைது செய்து தனியார் திருமண மண்டபத்திற்கு அழைத்து சென்ற போலீசார், அதனை தொடர்ந்து இருதரப்பினரிடமும் பேச்சுவார்த்தை நடத்தி கலைத்தனர்.
Comments