ஐபிஎல் தொடருடன் ஓய்வு பெறும் ஹர்பஜன் சிங்..?

இந்திய அணியின் பிரபல சுழற்பந்து வீச்சாளரான ஹர்பஜன் சிங் இந்தாண்டின் ஐபிஎல் தொடருடன், அனைத்து விதமான கிரிக்கெட்டிலிருந்தும் ஓய்வு பெற உள்ளதாக தகவல் வெளியாக உள்ளது.

1998-ம் ஆண்டில் இந்திய அணிக்காக விளையாட தொடங்கிய ஹர்பஜன், 2011-ம் ஆண்டு வரையிலும் இந்திய அணியின் முக்கிய வீரர்களில் ஒருவராக திகழ்ந்து வந்தார்.

அடுத்த அடுத்த ஆண்டுகளில் அவருக்கான வாய்ப்புகள் குறையவே இறுதியாக, கடந்த 2016-ம் ஆண்டு நடைபெற்ற ஆசிய கோப்பை டீ20 தொடரில் இந்திய அணிக்காக ஹர்பஜன் விளையாடி இருந்தார்.

இந்நிலையில், சென்னை அணிக்காக ஐபிஎல் தொடரில் விளையாடி வரும் அவர் நடப்பாண்டு தொடருடன், அனைத்து விதமான கிரிக்கெட் போட்டிகளில் இருந்தும் ஓய்வினை அறிவிக்க உள்ளதாக தகவல் வெளியாகி உள்ளது.