விராட் கோலியை புகழ்ந்த மல்லையா! பெங்களூரு அணிக்கு அறிவுரை!!

Feb 15, 2020 05:40:30 PM 0 1436

ஐபிஎல் போட்டிகளில் பங்குபெறும் ராயல் சேலஞ்சர்ஸ் பெங்களூரு அணிக்கு விஜய் மல்லையா ட்விட்டர் மூலம் அறிவுரை வழங்கி உள்ளார்.

விராட் கோலி தலைமையிலான ராயல் சேலஞ்சர்ஸ் பெங்களூரு அணி நேற்று தனது அணியின் புதிய லோகோவை வெளியிட்டது. இது குறித்து தனது அதிகாரப்பூர்வ ட்விட்டர் பக்கத்தில் "புதிய அத்தியாயம் துவங்கியது" என பதிவிட்டு அணியின் புதிய லோகோவை அறிமுகப்படுத்தி வீடியோ ஒன்றை வெளியிட்டது பெங்களூரு அணி.

இந்த வீடியோவை சமூக வளைத்தளங்களில் ராயல் சேலஞ்சர்ஸ் பெங்களூரு அணியின் ரசிகர்கள் கொண்டாடி வருகின்றனர். இந்நிலையில் அந்த லோகோ குறித்து விஜய் மல்லையா தனது ட்விட்டர் பக்கத்தில் "அருமை ஆனால் கோப்பையை கைப்பற்றுங்கள்" என அறிவுரை வழங்கும் விதத்தில் பதிவிட்டுருந்தார்.

மேலும் அணியின் கேப்டன் கோலியை "19 வயதினருக்கான உலகக்கோப்பையில் இருந்து பெங்களூரு அணிக்கு வந்த கோலி இந்தியாவை மிகப்பெரும் வெற்றிகளுக்கு அழைத்து சென்றுள்ளார்" என்றும், "அவருக்கு முழு சுதந்திரத்தை அளியுங்கள், ஏனெனில் பெங்களூரு ரசிகர்கள் வெற்றியை கொண்டாடி நீண்ட காலம் ஆயிற்று" என்றும் கோலியை புகழ்ந்து பதிவிட்டு இருந்தார். வெளிநாட்டில் இருந்தபடி மல்லையா பதிவிட்ட இந்த பதிவு சமூக வலைத்தளங்களில் வைரலாகி வருகிறது.