சீனிவாச பெருமாள் ஆலயத்தில் 3 ஐம்பொன் சிலைகள் கொள்ளை

தஞ்சை மாவட்டம் சுவாமிமலை அருகே திருபுரம்பியம் கிராமத்தில் உள்ள சீனிவாச பெருமாள் ஆலயத்தில் இருந்து  பல லட்ச ரூபாய் மதிப்பிலான 3 ஐம்பொன் சிலைகள் கொள்ளை அடிக்கப்பட்டுள்ளன.

நேற்றிரவு இந்த ஆலயத்தில் வழக்கமான பூஜைகளை செய்வதற்காக வந்த கோவில் நிர்வாகி ஜெயலட்சுமி அங்கிருந்த கதவு உடைக்கப்பட்டு கண்டு அதிர்ச்சி அடைந்தார்.

உடனடியாக உள்ளே சென்று பார்த்த போது  ஒன்றரை அடி உயரமுள்ள ஐம்பொன்னாலான சீனிவாச பெருமாள் சிலை ,முக்கால் அடி உயரம் உள்ள பத்மாவதி தாயார் சிலை ,மற்றும் முக்கால் அடி உயரமுள்ள சீனிவாச பெருமாள் ஆகிய 3  ஐம்பொன் சிலைகள் கொள்ளையடிக்கப்பட்டது தெரிய வந்தது.

மேலும்  வெள்ளியிலான பூஜை பொருட்களும் கொள்ளையடிக்கப்பட்டது தெரிய வந்தது. இதுதொடர்பாக அவர் அளித்த புகாரின் அடிப்படையில் சுவாமிமலை போலீசார் வழக்கு பதிவு செய்து ஐம்பொன் சிலைகளை கொள்ளை அடித்தவர்களைத் தேடி வருகின்றனர். கொள்ளை போன சிலைகளின் மதிப்பு பல லட்ச ரூபாய் இருக்கும் என கூறப்படுகிறது .